တစ်ခေတ်မှာ တစ်ယောက်ထွန်းခဲ့တဲ့ Ferrari 430

By / 8 months ago / Legendary / No Comments
တစ်ခေတ်မှာ တစ်ယောက်ထွန်းခဲ့တဲ့ Ferrari 430

တစ်ခေတ်မှာ တစ်ယောက်ထွန်းခဲ့တဲ့ Ferrari 430

 

၂၀၁၂ ခုနှစ်ဝန်းကျင်လောက် Dendi ဘုန်းမီးနေလတောက်ပချိန်ကတည်းက ကျွန်တော့်အနေနဲ့ Ferrari 430 ကို ပိုသဘောကျခဲ့ပါတယ်။

သူ့ရဲ့ဘာကိုမှဂရုမစိုက်တတ်ပဲ ကိုယ့် idea နဲ့ ကိုယ်ကစားတတ်တဲ့စတိုင်ကို သဘောကျလို့ပါ။

ပုံမှန်ဆို SF 1v1 ကစားရင် သူများတွေက Wraith Band နဲ့ထွက်လာတတ်ပေမယ့် သူကတော့ Iron Branch ၅ ချောင်းနဲ့ ထွက်လာတတ်တာမျိုးတွေ၊ အဲ့ဒီခေတ်မှာတုန်းက Mid Laner အများစုက Farm ဖို့ကိုပဲ အာရုံစိုက်တတ်ကြပေမယ့် 430 ကတော့ TA လိုကောင်မျိုးနဲ့တောင် Early Game မှာလိုက်လုံးနေတာမျိုးတွေ စတဲ့ သူ့ရဲ့ထူးခြားတဲ့ ကိုယ်ရည်ကိုယ်သွေးတွေနဲ့ ဟန်ပန်အမူအရာတွေကို အရမ်းကြွေခဲ့တာပါ။

Dendi ကိုလည်း မကြိုက်ဖူးလို့ မဆိုလိုပါဘူး။

Ferrari ကိုက ပိုသဘောကျတာပါ။ ( အကြိုက်ဆုံးကတော့ Mushi ပါ)

Ferrari 430 ရဲ့ နာမည်အရင်းကတော့ Luo Feichi ဖြစ်ပါတယ်။

သူ့ကို ၁၉၉၀ ခုနှစ် ဖေဖော်ဝါရီလ ၁၄ ရက်နေ့မှာမွေးဖွားခဲ့တာကြောင့် အခုဆိုရင် အသက် ၂၈ နှစ်ရှိပြီဖြစ်ပါတယ်။

သူ့အနေနဲ့ ဘာလို့ Ferrari 430 ဆိုတဲ့ ID ကိုအသုံးပြုခဲ့ရတာလည်းဆိုတော့ Ferrari ဆိုတဲ့နာမည်ကို အခြားတစ်ယောက်က အသုံးပြုနေပြီဖြစ်လို့လို့ သိရပါတယ်။

သူ့မှာ Nickname တစ်ခုလည်းရှိပြီး The Pianist လို့ ခေါ်ပါတယ်။

သူရဲ့ကစားသမားဘ၀မှာ Solo Mid တစ်ခုထဲကိုပဲ စွဲစွဲမြဲမြဲကစားခဲ့သူဖြစ်ပါတယ်။

သူ့ရဲ့ Signature Hero တွေကတော့ သူ့ခေတ်သူ့အခါမှာ ပြိုင်စံရှားခဲ့တဲ့ SF, TA နဲ့ Invoker တို့ဖြစ်ပါတယ်။

သူ့ရဲ့ကစားသမားဘ၀ Total Earning ကတော့ $555,250 ဖြစ်ပါတယ်။

ဒါဟာ TI Winner တစ်ယောက်အနေနဲ့ နည်းပါးတဲ့ပမာဏလို့ဆိုနိင်ပြီး သူရခဲ့တာဟာ TI2 မဟုတ်ပဲ TI5-6 လောက်ဆို နောက်ထပ်သုညတစ်လုံးကတော့ ကြိမ်းသေတိုးလာမှာပါ။

430 ဟာ Dota 2 Pro Scene ကို ၂၀၁၁ နှစ်စပိုင်းမှာ Catastrophic Cruel Memories နဲ့အတူ စတင်ခဲ့ပါတယ်။

သိပ်မကြာခင်မှာပဲ သူတို့ရယူခဲ့တဲ့အောင်မြင်မှုတွေကြောင့် IG ကို ရောက်ရှိခဲ့ပါတယ်။

အဲ့ဒီအချိန်ကနေစလို့ 430 ဟာ IG မှာ နှစ်ပေါင်းများစွာကစားခဲ့ပါတော့တယ်။

IG နဲ့ပထမနှစ်မှာ TI1 ပဲကစားခဲ့ပြီး 5-6th place ကို ရရှိခဲ့ပါတယ်။

ဒုတိယနှစ်မှာလည်း ပြိုင်ပွဲတွေအဲ့လောက်အများကြီးကို ၀င်မကစားခဲ့ပေမယ့် သမိုင်းဝင်အောင်မြင်မှုကို ရယူနိင်ခဲ့ပါတယ်။

အဲ့ဒါကတော့ TI2 မှာ ချန်ပီယံဖြစ်ခဲ့တာပဲ ဖြစ်ပါတယ်။

TI2 မှာ IG ဟာ Group B မှာ CoL, Orange, Na’Vi, TongFu, EHOME, Darer နဲ့ Mortal Teamwork တို့နဲ့အတူ တစ်အုပ်စုထဲကျရောက်ခဲ့ပါတယ်။

ဒါပေမယ့် IG အတွက် ဘာအခက်အခဲမှမရှိခဲ့ပဲ လက်ရှိချန်ပီယံ Na’Vi ကို ၂ – ၀ နဲ့အနိင်ကစားခဲ့တာအပါအ၀င် စုစုပေါင်း ၁၄ ပွဲကစားခဲ့ရာမှာ ၁၃ ပွဲအနိင်ရကာ EHOME ကိုပဲ တစ်ပွဲရှုံးခဲ့ပါတယ်။

Playoff မှာလည်း EG ကိုအနိင်ရကာ Na’Vi ကိုနောက်တစ်ဆင့်မှာရှုံးနိမ်ပြီးတော့ Lower Bracket ကိုဆင်းပေးခဲ့ရပေမယ့် EHOME, Team DK နဲ့ LGD တို့ကိုအနိင်ယူပြီးတော့ Grand Finals ကို ပြန်လည်တက်ရောက်နိင်ခဲ့ပါတယ်။

Na’Vi နဲ့မကျေပွဲ Grand Finals မှာတော့ IG က ၃ – ၁ နဲ့ အနိင်ယူဗိုလ်စွဲခဲ့ပါတယ်။

Game 1 မှာ အဲ့ဒီအချိန်ကနာမည်ကြီး Dendi QoP ကို TA နဲ့ထိန်းပြခဲ့ပြီး Early Game တွေမှာထဲက လိုက်လုံးကာ XBOCT Naga ကို Farm ချိန်မရအောင် လုပ်ခဲ့ပြီး ၂၈ မိနစ်နဲ့ အနိင်ယူခဲ့ပါတယ်။

 

Game 2 မှာ Na’Vi ဘက် Surprise Pick DK ကြောင့်ပြန်အရှုံးပေးခဲ့ရပေမယ့် Game 3 မှာ 430 က သူဟာ Dendi ထက်ပိုကောင်းတဲ့ Mid Player ဖြစ်တယ်ဆိုတာကို QoP နဲ့သက်သေပြခဲ့ပါတယ်။

 

Game 2 တုန်းက လက်စွမ်းပြနိင်ခဲ့တဲ့ Dendi DK လည်း 430 ရဲ့လုပ်ကွက်တွေအောက်မှာ အသေကြီးပဲတစ်ကားရိုက်ခဲ့ရပါတယ်။

အဆုံးအဖြတ်ဖြစ်တဲ့ Game 4 ကလည်း Na’Vi ဘက်က ပွဲကိုဆွဲကစားခဲ့လို့သာ တစ်နာရီနီးပါးကြာမြင်ခဲ့ပြီး အေးအေးဆေးဆေးအနိင်ယူကာ Aegis ကြီးကို ရယူခဲ့ပါတယ်။

 

TI2 ချန်ပီယံဖြစ်အပြီးမှာလည်း 430 နဲ့ IG တို့အနေနဲ့ ကျဆင်းသွားခဲ့ခြင်းမရှိပဲ G-1 Champions League Season 4 မှာ စတုတ္ထနဲ့ World Cyber Games 2012 တို့မှာ ချန်ပီယံဖြစ်ခဲ့ပါတယ်။

၂၀၁၃ ခုနှစ်မှာတော့ IG တို့အနည်းငယ်ကျဆင်းသွားခဲ့ပြီး G-League Season 2 နဲ့ Sina Cup Supernova Dota 2 Open Season 1 တို့မှာပဲချန်ပီယံဖြစ်ခဲ့ကာ TI3 မှာလည်း 5-6th place သာ ရရှိခဲ့ပါတယ်။

အဲ့နောက်မှာ 430 ဟာ IG မှာ ၂၀၁၆ ခုနှစ် သြဂုတ်လ ၂၈ ရက်နေ့အထိကစားခဲ့ကာ 2013 WPC ACE Dota 2 League မှာ ဒုတိယ၊ WPC 2014 မှာ ပထမ၊ ESL One Frankfurt 2014 မှာ ချန်ပီယံ၊ TI4 မှာ 7-8th place ၊ Major All Stars Dota 2 Tournament မှာ ချန်ပီယံ အစရှိတဲ့အောင်မြင်မှုတွေကို ရယူနိင်ခဲ့ပါတယ်။

အဲ့နောက်မှာတော့ 430 ဟာ IG ကနေထွက်ခွာကာ ၄ လလောက်အနားယူခဲ့ပါတယ်။

၂၀၁၇ ခုနှစ် ဇန်န၀ါရီလတစ်ရက်နေ့မှာတော့ Newbee Boss ကို သွားရောက်ခဲ့ပါတယ်။

ဒီအသင်းက ဖျော်ဖြေဖို့သက်သက်ပဲဖြစ်ပြီး ပရိုပွဲတွေကို ၀င်ရောက်ကစားခဲ့ခြင်းမရှိပါဘူး။

Newbee Boss မှာ တစ်နှစ်နီးပါးလောက်အချိန်ဖြုန်းပြီးနောက်မှာတော့ 430 ဟာ

BurNIng, xiao8, Newbie, Chisbug တို့နဲ့အတူ Big God မှာကစားခဲ့ပါတယ်။

DAC 2018 ကို Open Qualifiers ကနေ၀င်ကစားခဲ့ပြီး Closed Qualifiers အထိရောက်ရှိခဲ့ပေမယ့် Main Event ကိုတော့ မရောက်ရှိခဲ့ပါဘူး။

အဲ့လိုပဲ StarLadder ImbaTV Invitational #5: China Qualifier ကို လည်း ၀င်ကစားခဲ့ပေမယ့် 5-8th place နဲ့ အဆုံးသတ်ခဲ့ရပြန်ပါတယ်။

ဒါကြောင့်မလို့ ၅ လလောက်အကြာမှာတော့ 430 ဟာ Big God ကနေထွက်ခွာပြီး Young Dumb ဆိုတဲ့အသင်းနဲ့ TI8 ကိုဝင်ကစားဖို့လုပ်ခဲ့သေးပေမယ့် Qualifier မအောင်မြင်ခဲ့ပါဘူး။

TI8 အပြီး စက်တင်ဘာလ ၁၀ ရက်နေ့မှာတော့ Newbee ရဲ့ လက်အောက်ခံအသင်းတစ်သင်းဖြစ်တဲ့ Mr.Game Boy ကိုသွားရောက်ခဲ့ပြီး ကလေးတစ်သိုက်နဲ့ ပျော်ပါးနေတယ်လို့ သိရပါတယ်ခင်ဗျာ။

Realman

The author didn't add any Information to his profile yet.

Leave a comment

Your email address will not be published. Required fields are marked. *